E Ross Und En Hund Da Ross won ich riit da han ich gschtole de Hund wo miir noolauft en guete Schigg Alli waarted druf bis si de Tüüfel wüürt hole gschtole und zockt bliibt sälte lang Ietz han ich e Ross dihäi riit über Schtock und Schtäi en groosse schwarze Hund bi nie me eläi E Frau wo mir waarm giit e Gundle wo paraat liit Wänn s Hoochwasser chunt bin ich guet bedient Da Tach wo n ich drunder hock ghört der Bank de Wii im Chäller goht niemert nüüt aa Ich bi zunderobsi, suech de Rank troche und waarm en Winter lang Die Tüppe a mim Tisch mit de verschlagne Gsichter es Ass im Ärmel und d Finger übers Chrüüz hüt am Singe, morn vor em Richter ich bliib won ich bi und lueg ne zue Eine Gundel ist ein Fischerboot (Bodenseeraum) © Christoph Bürgin, christophbuergin.ch

lls Wa Rächt Isch (Da da da Taar) Alls wa rächt isch Alls wo guet isch Alls wo d immer scho gäärn hettsch wele haa Alls wa schöö isch Alls wa bunt isch Alls wo d au no gäärn hettsch welle haa Los es lauffe, los es ränne S juckt di moorn scho nüme so fescht Wie de Wind wääit, wie s de Güggel trääit Wies au chunnt, s isch nie für alli s bescht S findet s säälte alli guet Bringsch es sowisoo nie under äin Huet Wot gärn gsii wärsch Wot gärn hii wärsch all die vile Ort wo d nie häsch chöne gsee Wies döt gsii wäär Wäme ane wäär Ziit und Gäld, me hett sichs chönne neh Was gäärn gsee hetsch Was gärn gmacht hetsch S wäär doch allemal e Möglichkäit gsii Wend gäärn kännt hetsch Mit wäm gärn pennt hetsch Es wäär mängmol nur e Froog vom frooge gsii © Christoph Bürgin, christophbuergin

Di Aalte Säck (Mit Em Wäidling ....) Di aalte Säck – händ verzellt Sind mit em Wäidling bis uf d Riichenau Rueder und Schtachel –Pier und Broot Wän ich grooss bi, dän mach ich da au! Güeterhoof, am Fräie Platz Und ich ha gmäint das sig jetzt «dock of the bay» Schiff häts au gha –halt nid ganz so grooss Für jungi Schnuufer isch do nie nüüt loos Mängi Bäiz – gits hüt nümme Es sind nid alli di allerfäinschte gsii Für lääriFläsche häts en Zwanzger ggee Döt bi de Bauschtell findsch no meh De ganz Vercheer, durs Nodelöör Do häsch halt gwaartet, wenns Pier abglade händ Z schpoot i d Schuel, und z schpoot wider häi Rossbölle liged uf de Bsetzischtä © Christoph Bürgin, christophbuergi

Glattdecker Riifall (18 hundert und 69 isch s gsii Scho sit vier Johr faared Schiff här und hii Vo Schafuuse uf Konstanz und wider zrugg Z Diessehofe bruucheds jetzt e hööcheri Brugg) D Gläis sind no nid paut und vo Schtroosse käi Reed Dampfer uf em Wasser sind s äinzig wo me gseet Die bruuchts zum Reise uf em See, uf em Rii «Arenebärg» und «Riifall» sind als erschti debii Riisegroossi Schiff / Fascht hundert Tonne schwäär Unghüür us Schtahl / Schtampfed fauchend dethär Mit Fässer und Chischte / Mit Mäntsche und Veh Bi Wind und bi Wätter / S ganz Johr uf em See De Fortschritt isch doo, me gseet en jede Tag Und me ghöört en vo wiitem au wemmen nid mag Am Mäntig vor Wienacht noch de Zwäi isch es gsii En Knall wie en Tunder und d Räis isch verbii Am Berlinger Ufer hätt eine gsäit De Chessel hät mäini de Truck nid verträit Und genau so ischs gsii, s Schiff sinkt handcheerum Es goht nid dräi Minuute – und alli schtönd schtumm Füüf Mäntsche nimmt de Dampfer mit uf de Grund En Pfarrer, en Chääser, de Schtüürmaa und D Frau Seeger und d Frau Stoll, alli kännt me doo guet Di andere händs grettet us de iischaalte Fluet Scho churzi Ziit schpööter händs es Wrack chönne hebe Zwäi Johr i de Werft – nu de Name, jo ebe Mit «Riifall» isch doch zvil Schrecklichs verbunde So händs mit «Neptun» de neu Name gfunde Meh als sibezg Johr ghört de «Neptun» zur Flotte Bis anno nüünedriisg, dänn gohts as Verschrotte Hüt waartisch vergäbe uf die Unghüür am Rii Mit em Dampfer «Schafuuse» isch die Äära verb © Christoph Bürgin, christophbuergi

s Chunt Mer Grad Rächt Es chunt mer grad rächt das es dusse grau isch Es chunt mer grad rächt das es Bindfäde säicht Es chunt mer grad rächt dass niemert doo isch bi sit Tage schlächt druf, und bruuch e chli Rue Da isch min Film da mini Gschicht und es git au Musig devo Ha alli schtudiert ha vil profitiert und s Bescht gschnäll a mich gnoo Es chunt mer grad rächt dasd Läde hüt zue händ Es chunt mer grad rächt Käin Pöschtler in Sicht Es chunt mer grad rächt dass käin umenand rännt bi sit Tage schlächt druf, und bruuch e chli Rue Es chunt mer grad rächt das de Färnseh kabutt isch Es chunt mer grad rächt Und de Compidezue Es chunt mer grad rächt dass es nopment ganz schtill isch bi sit Tage schlächt druf, und bruuch e chli Rue © Christoph Bürgin, christophbuergi

Mach Bitte No E Füür Mach bitte no e Füür S hät gschnäit und s isch chaalt Und d Biise* bloost ums Huus D Rauhnächt* hanged i de Bäum Hüt Nacht isch es Mai Mit em aalte Johr isch s bald uus Zwüsched de Johr -­‐ jedes Johr s gliich Wänt a Gott glaubsch häsch es guet Es bruucht en Schelm zum en Schelm chönne fange Äine wo gnau wäiss wie da tuet Schänk bitte nomol ii S isch gschtubete Wii* Dä wird hüt znacht nid aalt! Lääri Chöpf und Volli Büüch Ghöörsch d Füchs, wies bälled im Waald?* Leg bitte no Holz noo Mir händ gwüss gnueg Händs sälber gschlage im Waald En lange Blick zrugg ufs Johr Und äine voruus Mitternacht ischs scho bald Ich ha hüt znacht de Herr Cohen* gfroget Wien är das dänn so machi A was är en Traum kännt und a was e Vision* Wän är am Morge verwachi Sis Schwige und sin chaalte Blick hebed lang no hii oder hät är ganz einfach mini Froog nid verschtande? Isch vo geschter Nacht no aatätscht © Christoph Bürgin, christophbuergi

Fäärmaa Fäärmaa Fäärmaa, nimm dich in Acht Dräi Musikante schpiled hüt znacht A de Giige en Wilde A de Flööte en Milde Am Bass schtoot en Schtille Under dim Tach Oobig wirds wie jede Tag Was de Tag no bringe mag De Fluss flüüsst trääg em Weschte zue Er wott scho hei is Fäärmaahuus Do chömeds juscht zum Wääldli us Drei Gselle won er übersetze mue Si müend no wiit, verzelleds im Bis id Schtat, das sig nid schlimm Si schpiled z Hochzig uf für Loo und Broot Wos äntlich übere gruederet sind Wääit nopment ganz en andere Wind Käin Rappe händs debii für d Faart im Boot De Fäärmaa macht e bööses Gsicht Er fluecht – da isch en schlächte Pricht So öppis gseet er hüt zum ersche Mol Si büüted im es Huuskonzärt Das sig die Faart doch sicher wärt De Fäärmaa bindt sis Schiffli an en Pfool Si lauffed jetzt zum Fäärmaahuus Döt luegt e Frau zum Fänschter uus Und sibe Chind vo zwäi bis sibezäh Si gseend die Schaar mit Inschtrumänt Da hät me uf em Land nid kännt Das wird hüt znacht es luschtigs Triibe gää Si schtimmed iri Inschtrumänt Si leged loos, potz sackermänt Si schpiled guet und trinked vil zvil Wii Au z Ässe häts jetzt uf em Tisch Fleisch und Wurscht und pachne Fisch Und alli sind i beschterLuune gsii Derwile isch es tüüffi Nacht Lueg emol die Schtäärnepracht Und uf de Wise liit de erschti Tau S Füür isch uus und d Chind im Bett Und jetzt wird klaar, was jede wett De Giiger hät es Aug uf Fäärmaas Frau Da hät würklich jede gsee Da chönt am Änd no Lämpe gee Mit därig Gäscht bisch würkli übel draa Im Fäärmaa wird das langsam z bunt Er waartet bis de Morge chunt Und er die Bandi useschmäisse cha De Ufbruch isch dänn zügig choo Si händ nid mol me Zmorge gnoo Und wagglig gönd die Dräi zur Schtube uus D Tochter wär gäärn mit i d Schtat Si hät das öödi Läbe satt De Fluss, de Waald, das aalti Huus Morge wirds wie jede Tag Was de Tag no bringe mag De Fluss flüüsst trääg em Weschte zue Es rägnet jetzt – s isch chaalt und grau De Fäärmaa wäiss es no gnau De Traum vo däre Nacht loot im kei Rue © Christoph Bürgin, christophbuergin.ch

Si Schtuuned Nid Schlächt Si schtuuned nid schlächt und chömed nid druus Wo s Schiff in Hafe iilauft En chineesische Choch -­‐ En russische Zwärg En indische Fakir und -­‐ En pärsische Bänker schtiiged uus Jedi Räis nimmt es Änd Und findt im versandete Hafe sis Ziil Am näbelverhangene Schtääg Wo Fackle bränned Si schtuuned nid schlächt und chömed nid druus Wo s Schiff im Hafe iilauft De chineesische Choch suecht en nagelneue Wook E trocheni Bliibi, e Chatz und en Hund Und schtiigt us De russisch Zwärg suecht e ganz groossi Frau Und wird au bald fündig, im Schpunte zum Gschtrandete Waal Si schtuuned nid schlächt und chömed nid druus Wo s Schiff im Hafe iilauft De indisch Fakir will es groosses wäichs Bett Fertig mit Nägel, Füür und Flüügende Mässer De pärsisch Bänker mit sim Koffer voll Gäld Suecht en groosse Ofe, won är de Plunder Cha verbränne © Christoph Bürgin, christophbuergin.ch

Graui Chatze, Schwarzi Hünd Graui Chatze und schwarzi Hünd Schtrieled Znacht bim Bahnhof umenand Drei jungi Wiiber, wüescht wie d Sünd Und aalti Wahlplakaat hanged a de Wand De letscht Zug isch vor 30 Johr verbiichoo Weissgott es schmöckt scho lang nüme guet 30 Johr verlotteret, 30 Johr abechoo Da Klima nimmt äim jede Muet Ha mich totaal verfaare Und s Auto hät e Panne Jetzt hock ich i däm elände Kaff Wenigschtens es Hotel und e Pfanne De aalt Tockter und de Tootegräber Gänd sich d Kante i de Hotelbaar Hüt isch ene äin vo de Schuufle gumpet Hüt giits käi Arbet meh, das isch ene klaar Jetzt schtoot au no de aalti Moo am Himmel Wie en schtinkige Chääs gseet er uus Und ich ha susch scho d Nase voll Bitte bitte lönd mi in Rue mit däm Blues © Christoph Bürgin, christophbuergin.ch

Ich Schtand Am Fänschter Ich schtand am Fänschter Lueg use in Gaarte S schiffet sit Tage Ich mag nid länger waarte E Täsche isch packt De Zug isch usegschribe und ich weiss es scho lang nu wäge dir bin ich plibe Ich schtand am Fänschter Lueg use in Gaarte S schiffet sit Tage Ich mag nid länger waarte Jetzt macht alls käin Sinn meh Du bisch geschter ggange Du häsch di entschide Loosch mich doo hange Jetzt wäär ich gäärn mit dir Älei a de Baar Im Färnseh lauft MTV En längscht vergässne Schtaar Hock sit Schtunde doo No di gliich wo särviert Du würdsch es hasse Si händ renoviert Und scho en Tag schpööter «Stazione Centrale di Palermo» es schmöckt noch Disel und Fisch Im Chopf bini no nid ganz aachoo Jetzt schtand ich uf däm Platz Wo mer üs früener troffe händ Und do isch au die Bäiz Du häsch de Psitzer guet kännt Ich schtand am Fänschter Lueg abe uf de Platz S isch schtickig und heiss Im Schatte liit e Chatz Es isch früene Mittag Palermo im Mai D Luft ischzum Schniide Ich wett nie meh häi! © Christoph Bürgin, christophbuergin.ch

Gorilla De chlii Zirkus hät käin Schtutz meh Dä mit de Flöö und em lausige Clown Me het en zletscht bi üüs gsee Schtatt Applaus gits jetzt Glächter und Hohn Di mäischte händ en zupft, Sind uuf und devoo D Regierig hät es Probleem En Aff händs ne hinderloo S isch en Gorilla! Sis Gheeg -­‐ es richtigs Wunderteil Und mit Schtüürgälder finanziert Di Junge findets affegäil D Fraue schmunzled pikiert Si lueged im zwüsched Bäi Hey, dä isch jo gar nid so grooss Wie i de Pornos im Schtille dihäi Was isch denn do blos loos S isch en Gorilla! Jetz hät aber so en Döödel Wo käi Regle kännt oder so Halt irgend so en Blöödel S äifach nid chönne loo Oderisch er nume psoffe Gsi, git de Verriglig en Schtooss S Chefi isch drum offe Und de Aff isch wie me gseet loos S isch en Gorilla! D Gorillas sind Mäntscheaffe Und dä isch es schöös Exemplar Gwüssi Teil sind ganz mäntschlich beschaffe Vo was ich red isch klaar Nur hät är im Zirkusläbe Nie Gebruuch chönne mache devoo S fändets alli total denäbe S git käi freii Liebi im Zoo Für en Gorilla! Scho ghöört me di äinte säge Hüt chunts no chnüppeldick Tüend bitte nid so verläge Und gönned däm Aff doch en Fick S ganz Läbe hinder Gitter Und e blüendi Phantasie En Maa, e Frau en Zwitter Jetz bringed eu wider ii S isch en Gorilla! Er trottlet jetzt dur d Aaltschtat Und vergaffd sich a jedere Frau Äini mäint är sigi vom Färnseh Vilicht vonere Casting Show Doch de Gruch isch animaalisch Isch ire nid ganz ghüür Si reagiert zimli paanisch Er cha doch nüüt defür Er isch en Gorilla! Ischs ächt die neuschti Moode gsii Wo in nid im Gringschte erregt Oder sind im Fraue generell z chlii Käi Ahnig, was en Aff bewegt Jetzt ischer scho bim Obergricht Und im lange schwarze Talaar Schtoot en schtattliche Richter mit fäisem Gsicht Wo nüüt ahnt vo däre Gfohr S chunt en Gorilla! Ziilschträbig goot de Aff jetzt voor Und das zum schtuune rassig Er packt de Richter am rächte Ohr Dä finds alles anders als schpassig Er winslet «das isch Nöötigung» Und scho ischs Gwand verrisse «Ich zäig Si aa wäg Vergwaltigung» Nu äine hät druf gschisse S isch en Gorilla! En Gorilla in höchschter Extaase Und en Richter uf de Chnüü Zmittst uf em änglischeRase Und das am Mittag am drüü «Mamma» rüeft er no klääglich genau wie de Glünggi hüt Won er, will üs unerträäglich Is Gfängnis gworfe hät Wie en Gorilla! © Christoph Bürgin, christophbuergin.ch